Pólitískir hræsnarar virðast telja að ég hafi framið skelfilegan glæp.
Ég leyfi mér að setja spurningamerki við og andmæla afar óvandaðri málsmeðferð ríkisstjórnarinnar varðandi móttöku á 60 manna hópi flóttafólks frá Írak.
Ég voga mér að benda á að þessi fjöldi inn í rúmlega 6.000 manna sveitarfélag eins og Akranes - jafngildi því að rúmlega 1.000 flóttamanneskjur frá Írak kæmu til Reykjavíkur.
Ég bendi á að þessu fylgi ýmsir annmarkar. Fjölmörgum spurningum sé ósvarað. Kemst að þeirri niðurstöðu að vegna skamms undirbúnings, óvissuástands í þjóðfélaginu og mikillar spennu í velferðarkerfi Akraness þá sé bærinn ekki í stakk búinn til að takast á við þetta verkefni að svo stöddu.
Ég vísa til þess að móttaka flóttafólks á kjörtímabilinu hafi hvergi verið nefnd hjá neinum flokki í aðdraganda sveitarstjórnarkosninga á Akranesi fyrir tveimur árum. Kjósendur og eigendur bæjarsjóðs hafi því ekki fengið tækifæri til að tjá afstöðu sína til svona máls.
Með öllu þessu færi ég rök í ítarlegri greinargerð.
Þessa greinargerð legg ég fyrir meirihluta bæjarstjórnar Akraness og meirihluta félagsmálaráðs bæjarins. Ég leyfi síðan bæjarbúum að sjá hana. Miðað við þann þrönga tímafrest sem stjórnvöld setja í málinu, tel ég mikilvægt að þau (íbúar bæjarins) séu upplýst um gang mála. Þetta varðar fólkið sem býr í bænum og þeirra nærumhverfi.
Þau eiga þennan bæ - ekki Össur Skarphéðinsson og ríkisstjórn Samfylkingar og Sjálfstæðisflokks.
Gott og vel - ef ég á að taka höggin fyrir það að hafa kjark til að standa í lappirnar og tala af skynsemi í þessu máli - þá skal svo vera.
En mikið verður nú áhugavert að fylgjast með þeim sem þegja.
miðvikudagur, 14. maí 2008
Hin pólitíska óöld hræsnara Samfylkingar
Gerast áskrifandi að:
Birta ummæli (Atom)
4 ummæli:
Gott og vel ég skal koma með álit hér inni og það málefnalegra en þú sást ástæðu til að slá inn á mína síðu í tveimur línum:
1. Þessi koma flóttafólks er innan við 1% af íbúatölu Akraness í dag og sannarlega, miðað við fyrri reynslu, mjög fáir sem munu þurfa félagslega aðstoð. Þannig er þetta fóttafólk ekki "byrði" á samfélaginu. Aðstoð við flóttafólk fer ekki fram á þeim hörmungastað sem það hefur flúið. Skilgreining Sameinuðu þjóðanna er skýr hvað varðar skilgreiningu á -flóttafólki-. Þú semur þessa greinargerð sem formaður félagsmálaráðs Akraneskaupstaðar og væntanlega með samþykki meirihlutans. Hann er því samábyrgur þessari greinargerð eða hann hafnar henni. Það verður áhugavert að fylgjast með. Þú notar orðið "hræsnarar" sem merkir í þínu samhengi að sá sem mótmælir skoðun þinni sé smmála henni en þykist vera annarra skoðunar. Svo er ekki með mig eða aðra jafnaðarmenn. Stækkaðu sjóndeildarhring þinn, ekki minnka hann, þú gætir fengið höfuðverk. kv gb
Gísli, ég er alveg á því að Íslendingar mega gera meira af því að taka á móti flóttafólki en samhliða því verður fólk að átta sig á því að það verður ekki gert bara með því að rétta þeim blómvönd þegar það stígur út úr flugvélinni.
Þú segir að mjög fáir muni þurfa félagslega aðstoð, slíka og þvílíka endemis vitleysu á ég ákaflega erfitt með að skilja að fólk hreinlega geti látið út úr sér. Hver EINASTI flóttamaður sem kemur til Íslands eða annarra landa þarf félagslega aðstoð - einhvers staðar þarf þetta fólk að búa, eitthvað þarf það að borða og einhvern veginn verður það að komast yfir föt. Það gerist ekki af sjálfu sér.
Í tilfellum þar sem fólk kemur, eins og þarna er talað um, frá Mið-Austurlöndum þá verður tungumálið vandamál, það tekur tíma fyrir fólk að læra nýtt tungumál, sérstaklega þegar um er að ræða gjörólík mál eins og t.d. norður evrópsk mál og arabísku. Fólkið þarf aðstoð, bæði við að læra málið og með að gera sig skiljanlegt og skilja aðra þangað til það hefur lært málið.
Ólíkir menningarheimar krefjast líka aðlögunartíma hvort sem fólki líkar betur eða verr, einn menningarheimur er ekkert endilega betri eða verri en annar en meðan þeir eru eins ólíkir og þegar um er að ræða Ísland og Mið-Austurlönd tekur það tíma fyrir fólkið að læra á samfélagið og bæði skráðar og óskráðar reglur.
Með tímanum hættir flóttafólk í langflestum tilvikum að þurfa félagslega aðstoð en það gerist ekkert á einni nóttu. Einstaklingar eru misvel fallnir og reiðubúnir til að takast á við algjörlega nýtt umhverfi og þurfa því mislanga aðstoð. Félagsleg aðstoð er meira en að senda barnaverndarnefnd á fólk.
Karen þagði allavega ekki. Sem er alveg nýtt.
Gísli baldvinson:
Telur þú að einstæðar mæður úr stríðshrjáðu landi þurfa ekki félagslega aðstoð.
Er þetta þekkingarleysi hjá þér eða tóm heimska.
Hvað með þessar 25 fjölskyldur sem bíða eftir félagslegu húsnæði og annari aðstoð. Hvað á að segja við þær fjölskyldur? Því miður við ætlum að hjálpa fyrst 30 öðrum, þið verðið bara að bíða og helst þegja á meðan bæjarstjórnin gefur skít í ykkur. Nei takk. Magnús ákvað að horfa ekki upp á það. Þetta er útkoman. Valdarán um miðbjartan dag. Valdarán pólítiskra viðvaninga.
Magnúsi verður komið aftur inn í næstu kosningum en hinum sem með gjörðum sínum í dag frömdu pólítískt sjálfsmorð. Vitiði til.
mbk.
Skrifa ummæli