Oft hef ég mætt í Silfur Egils en þetta var það skrítnasta sem ég hef lent í. Er enn að melta þetta og hef ekki haft tíma til að skoða þáttinn þannig að ég á örugglega eftir að skrifa meira um hann.
En ég var einn á móti þremur.
1. Þáttastjórnandinn og spyrillinn, Egill sjálfur, alveg bullandi hlutdrægur.
2. Mér var brugðið þegar ég sá heiftina í augum og viðmóti Amal Tamini, en hún færði samt fréttir sem mér var ekki kunnugt um. Þetta er fólk frá Palestínu sem fór til Írak árið 1948. Það er fyrir 60 árum. Þannig eru þetta í raun Írakar af palestínskum uppruna. Flóttafólk af fjórðu og fimmtu kynslóð - býst ég við.
3. Og Kristrún Heimisdóttir aðstoðarkona Ingibjargar Sólrúnar í utanríkisráðuneytinu var ótrúleg þegar hún sagði eitthvað á þá leið að víst gæti Akranes tekið á móti stórum hópi flóttafólks. Veit ekki til að hún hafi nokkru sinni komið til bæjarins, og eitt er víst að stjórnvöld hafa ekki gert neina faglega úttekt á bænum og velferðakerfi hans. Þetta er bara ákveðið í Reykjavík og ákveðið að henda því upp á Skaga.
Og það var alveg makalaust að heyra Kristrúnu Heimisdóttur tala um að við hlytum að geta fundið skólaborð og stóla fyrir börnin til að koma þeim fyrir í kennslustofum.
Þvílíkt og annað eins. Þau skilja ekki orð í íslensku, mér er til efs að þau kunni stafrófið sem við notum hér á landi.....og áfram má lengi telja.
Ég botna ekkert í því í hvaða heimi þetta fólk í utanríkisráðuneytinu lifir í.
Sennilega einhverjum þotuheimi.
sunnudagur, 18. maí 2008
Undarlegt Silfur
Gerast áskrifandi að:
Birta ummæli (Atom)
35 ummæli:
Sæll Magnús. Frá árunum 2004 til 2007 fjölgaði Skagamönnum um c.a 700 manns (frá 1994 hefur okkur fjölgað um 1100 c.a) Ég veit ekki hvort allir sem hingað fluttu hafi kunnað stafrófið og veit ekki heldur til þess að nokkur hafi haft áhyggjur af því. Ég veit ekki hvernig þetta var undirbúið eða hvort einhver hafi verið spurður. Ég veit ekki heldur hvort einhverjir peningar hafi fylgt öllu þessu fólki. Hitt veit ég að við Skagamenn höfum verið afar stoltir af þeirri fjölgun sem átt hefur sér stað í bænum okkar. Ég veit ekkert um uppruna fólksins sem flutti hingað enda skiptir það mig engu máli. Ég vona bara að við höfum tekið vel á móti þessu fólki og því líði vel hérna hjá okkur. Ef við þurfum að undirbúa okkur eitthvað undir það að taka á móti flóttafólki hingað er þá ekki best að einhenda sér í það og hætta að eyða tímanum í eitthvert argaþras og leiðindi? Nú verð ég örugglega sögð bullandi vanhæf og örugglega öfugu megin við eitthvert borð (sem enginn þó sér) en það eru víst örlög allra þeirra sem ekki eru sammála þér. Það finnst mér aftur á móti ekki vera málefnaleg umræða. Gaman verður að vita hvort þessi athugasemd mín fær að standa á síðunni þinni. Með kveðju, Heiðrún
Þetta var faránlegur þáttur.
Reyndar er þessi þáttur alveg ömurlegur.
Varðandi Heiðrúnu þá gæti verið upplýsandi að vita eftirnafn hennar.
Fjórðu og fimmtu kynslóð? Hvernig færðu það út? Skiptir það máli?
Írakar af palestínskum uppruna? Er það ekki þá enn ein ástæðan til að hjálpa þessu fólki, flýjandi ofsóknir í Írak, hvers foreldrar þurftu áður að flýja Palestínu? Á þetta fólk ekki skilið tækifæri til að byrja nýtt líf? Erum við Íslendingar (þ.e.a.s. Skagamenn, af því að málflutningur þinn virðist allur byggjast á því að á Akranes eigi það ekki að koma) of góðir til að leggja okkar af mörkum til þess að svo megi verða?
Auðvitað skiptir það máli. Það eru 60 ár liðin síðan 1948. Við erum að tala um Íraka af palestínskum uppruna, ekki palestínufólk eins og látið er í veðri vaka. Annars er ekkert vitað hér á Akranesi um þetta fólk. Bæjarfulltrúar og aðrir fréttu fyrst af því í fjölmiðlum að verið væri að tala um flóttafólk frá Írak, og í Silfri Egils í dag var það upplýst af starfsmanni Alþjóðahússins og varabæjarfulltrúa Samfylkingarinnar í Hafnarfirði að þetta væri afkomendur fólks sem farið hefi til Írak 1948.
Þetta er meira en bæjarfulltrúar á Akranesi vita.
Og mér finnst það undarleg forgangsröðun að nota 120 milljónir í 30 manneskjur þegar hundruðir þúsunda búa við mjög bág kjör, meðal annars hálf milljón palestínubúa í flóttamannabúðum í Jórdaníu. Hvað væri ekki hægt að gera við þessa peninga í hjálparstarfi í Miðausturlöndum til dæmis undir merkjum Rauða hálfmánans eða Rauða krossins?
Varðandi lið 2 hjá þér, stangast það ekki á við vörn þína þegar þú sverð af þér allt útlendingahatur að vera svo að þylja upp eitthvað um uppruna þessara flóttamanna?
Fram að þessu hefurðu haldið því statt og stöðugt fram að málið snúist eingöngu um aðstöðu eða aðstöðuleysi bæjarfélagsins til að taka á móti fólkinu.
Nú skiptir ættarsaga fólksins hins vegar höfuðmáli, eða hvað?
Góðan daginn!
Fyrst er að biðja þig Magnús Þór afsökunar! 14. maí skrifaði ég ummæli við færsluna Valdarán á Vordegi. Ummæli 1. Ekki veit ég afhverju þau birtust ekki strax en ég hætti að líta eftir þeim eftir tvo daga eða svo. Í ummælakerfi hjá Hafrúnu Kristinsdóttur kvartaði ég sáran yfir slagsíðunni! En nú fyrir tilviljun þegar ég fór inn á umræddan pistil í gegnum tengil hjá Hallgrími Thor. ... viti menn ... ummælin mín komin. Svo vonandi hefur aðeins verið um bilanir í bloggkerfi hjá Magnúsi að ræða. Auðvitað hefur hver bloggeigandi óskoraðan rétt að birta það sem honum sýnist á sínu bloggi. En ég hugsa að Magnús geti verið sammála mér, að í flóttafólksmálinu er nauðsynlegt að allir fá mótmæla- og meðmælarétt.
Ég sá Silfrið í dag. Og eins áður þá finnst mér Magnús hafa slæman málstað að verja. En ég er sammála að slagsíðan honum í óhag í umræðuþættinum var átakanleg! En ég hefði nú haldið að jaxlar eins Magnús færi ekkert að emja undan því. Það fer honum reyndar best þegar hann þarf að berjast við ofureflið! :-) Kannski eru bara svo fáir á sama máli og Magnús. Egill fann engan annan sem vildi standa við hlið honum í þessu máli. Hvað veit ég!
Í Silfrinu kom ekkert nýtt fram nema ef til vill að ég fór að hafa á tilfinningunni að kannski eru Skagamenn upp til hópa Sammála Magnúsi. Og ef það er staðreyndin, þá er nú betur heima setið en farið af stað. Rauði Krossinn og Ríkisstjórnin verða að finna flóttafólkinu frá Írak/Palestínu annann stað ef andstaðan er almenn upp á Skaga við komu þeirra... sem ég held nú að svo sé ekki.
Þessi pistill Friðriks Jónssonar er meðal annars merki um það:
http://fridrik.eyjan.is/
Mér er mjög umhugað um þetta málefni -Innflytjendur. Svo ég vona að ég geti tjáð mig á bloggi þínu Magnús. Ég skal reyna að vera málefnalegur þó svo ég sé "svo mikið" ósammála þér og mér finnist málflutningur þinn vekja upp andúð gegn útlendingum í okkar landi. Og ég væri ekki heiðarlegur ef ég segði ekki að mér finnst skoðanir þínar litast af ákveðnum fordómum frekar en málefnaágreiningi.
Kveðja, Þroftur.
Bakgrunnur fólksins og samsetning hópa skiptir að sjálfsögðu máli þegar meta skal hversu miklar áskoranir eru fólgnar í móttöku hópanna. Ég fór yfir það í greinargerðinni sem ég skrifaði um daginn og sjá má m. a. undir aðsendar greinar á www.skessuhorn.is
Ég hef látið vera að birta örfáar nafnlausar athugasemdir sem innihéldu óviðurkvæmileg orð um mig, og síðan um Karen Jónsdóttur.
Ég hef síðuna stillta þannig að ég geti lesið póstana og samþykkt þá, þetta geri ég ekki alla jafna en geri nú. Hef fullan rétt til þess, þetta er mín vefsíða, minn miðill.
Annars hef ég sent þeim á eyjunni tölvupóst um þessa bilun og þetta er allt í skoðun. Þið getið haft samband við þá til að athuga hvort það sé ekki rétt.
Ég eins og margir aðrir horfði á Silfur Egils nú í dag.Ég verð að segja að ég er agndofa yfir þér og viðhorfi þínu varðandi það flóttafólk sem Akranes hyggst taka á móti nú á komandi hausti. Ég ólst upp á Akranesi til 20 ára aldurs. Ég er stoltur af mínum gömlu og góðu sveitungum með þessi áform. Ég bjó á Hornafirði þegar sá ágæti bær tók á móti stríðhrjáðu flóttafólki. Ekki man ég eftir einni röddu í þeim bæ sem var á móti því að við Hornfirðingar biðum þetta fólk velkomið í bæinn. Ég fullyrði að það er ekki ein rödd í dag sem myndi segja að það hafi tekist illa til við móttöku þessa fólks og að Hornfirðingar hefðu gert mistök. Þvert á móti hefur þetta fólk aðlagast bænum príðilega og Hornafjörður er ríkari eftir en áður en þessir flóttamenn komu. Það er ekki efi í mínum huga að eins takist til á Akranesi eins og á Höfn og fleiri stöðum á landinu. Öll sú reynsla sem hingað til hefur fengist verður notuð. Mér finnst að þú sért kommin út í þvílíkan forarpytt sem stjórnmálamaður að vand ratað sé upp úr honum. Þó ég sé oftar ósammála þér en sammála finnst mér að mörgu leiti hafi verið fengur af þér inn í íslenska pólitík. Ég vona að þú finnir leið upp úr þessum pytti sem þú ert kominn í.
Með kveðju Egill Jón
"Við erum að tala um Íraka af palestínskum uppruna, ekki palestínufólk eins og látið er í veðri vaka."
Persónulega þykir mér jafnvel enn meiri ástæða til að veita fólki frá Írak hjálparhönd en það er kannski annað mál.
En þér að segja þá eru 4,5 milljónir Palestínumanna í Sýrlandi, Jórdaníu (1,7 milljónir reyndar, ekki hálf milljón eins og þú segir), Líbanon og víðar. Eftir sem áður eru þetta Palestínumenn, líta á sig sem Palestínumenn og eru ekki viðurkenndir sem neitt annað af þeim ríkjum sem um ræðir. En þú telur þig semsé þess umkominn, að gefa þeim nýtt þjóðerni.
Það er ágætt að leggja fé til stofnana eins og Rauða krossins og UNRWA til að tryggja að Palestínumönnum sé hjálpað að lifa mannsæmandi lífi í áðurnefndum ríkjum. En það er ekki verra, að geta boðið þeim sem eiga sem allra mest um sár að binda að byrja nýtt líf. Hvar er manngæskan, Magnús?
Getur verið að flestum finnist þú einfaldlega hafa slæman málstað að verja? Ég sé allavega ekki hvern Egill hefði átt að fá í þáttinn sem hefði getað verið sammála þér, utan þinna eigin flokksfélaga.
Prófun: 1
Sent:
kl. 19:45 18/5
Sendandi:
webmaster@eyjan.is
Mitt hlutverk og mínar skyldur sem sveitarstjórnarmaður er að verja hagsmuni þeirra sem kusu mig og ég starfa í umboði fyrir. Það er fólkið hér í bænum, fólkið sem á bæinn og fólkið sem á bæjarsjóð.
Móttaka flóttafólks á kjörtímabilinu var hvergi á stefnuskrá neins flokks fyrir sveitarstjórnarkosningar í maí 2006. Ég fór ekki í framboð til að vinna að slíku eða leggja drög að því að velferðarkerfi bæjarins yrði lagt undir slíkt í framtíðinni. Ég bauð mig fram til að vinna fyrir fólkið hér í bæ.
Spyr þú ekki að manngæsku Davíð Logi. Það er manngæska að hugsa um hag þeirra sem höllum fæti standa hér í samfélaginu sem er Akranes í dag. Mínar skyldur eru gagnvart þeim. Við höfum takmörkuð gæði sem er bæjarsjóður og það velferðarkerfi sem við búum við. Álagið á það er aukast hratt vegna erfiðleika í atvinnulífi og efnahagsástandi. Og það eru miklir óvissutímar framundan.
Og ég hef hreina samvisku - ég er algerlega sannfærður um að ég er að gera rétt.
Ég sá ekki þennan silfursþátt, en ég get alveg sagt þér að þessi þrjú eru eki þau einu sem eru andstæð þeim skoðunum sem þú hefur haldið fram í þessu máli, Magnús Þór. Það er, - sem betur fer kannski, - sjaldgæft að íslenskir stjórnmálamenn afhjúpi eigin ómerkilegheit jafneftirminnilega og þú hefur gert undanfarna daga. Þú getur svosem slegið þér á brjóst og þóst bera hag hins almenna Skagamanns fyrir brjósti, en ég þori að fullyrða að þú átt þér ekki marga jábræður þar í bæ, frekar en annars staðar á landinu. Og sú staðreynd að þér skyldi bregða við því sem þú lýsir sem heift Amal Tamimi sýnir kannski best hversu gjörsamlega veruleikafyrrtur þú ert í þessu máli.
Haukur Már
Ein spurning Magnús, Eins og ég skil þetta þá sér Rauði Krossinn alfarið um undirbúninginn, ríkið um peningahliðina á málinu sem þýðir að félagsmálasvið bæjarins getur haldið áfram að aðstoða þessa 25 sem eru á biðlista hjá bænum. Hvert er þá vandamálið? Ég er nýkomin heim á skagann eftir ársdvöl í smábæ í suðurríkjum Bandaríkjanna nánar tiltekið í Texas. Þar voru mínir nágrannar flóttamenn frá New Orleans og sóttu hælis í bænum mínum. Bærinn og íbúar hans tóku þessu fólki opnum örmum og gerðu allt sem í þeirra valdi stóð til þess að tryggja það að þau myndu fóta sig. Þetta svæði suðurríkjanna var og er líklega þekktast fyrir fordóma og fáfræði en það hefur enn í sér umhyggju gagnvart náunganum. Vonbrigðin yfir því hversu langt þessi umræða hefur fengið að ganga eru gríðarleg. Við eigum vel menntaða kennara sem eiga að taka þessu hópi barna sem áskorun og reyna að gera allt sem í þeirra valdi stendur til þess að hjálpa þeim að aðlagast. Er ekki betra að leysa málið með jákvæðum hætti og gera það sem við getum til þess að hjálpa þessum konum. Er svona hræðilegt að hugsa til þess að við gætum lært eitthvað af þessum konum og börnum þeirra. Ég sé ekki vandamálið. Við hvað ertu svona hræddur Magnús?
kveðja Hrund Snorradóttir
Er hrund virkilega að leggja saman þá palestínsku/írösku flóttamenn sem kæmu til íslands og tala ekki íslensku né ensku. Kunna ekki stafrófið einusinni.
Að setja þá í sama flokk og innfædda bandaríkjamenn sem flytja í annað ríki og eru kallaðir flóttamenn vegna hörmungana í new orleans.
Þetta er bara allt annað mál, með skólakerfið hérna á skaganum í lamasessi hvernig á þá að vera hægt að taka við nemendum sem kunna ekki málið. Þarf þá að vera 1 túlkur með 1 nemanda, ef þeir eru ekki á sama aldri í mismunandi bekkjum. Hvað kostar það?
Meiri þvælan. Það er greinilegt að þú ehfur ekki búið hér á skaganum lengi. Hlutirnir eru breyttir. Skólamálin, leikskólamálin, félagslegu málin. Það er að koma kreppa og ef það á frekar að nota fjármuni landsins í að hjálpa útlendingum frekar en íslendingum að þá flyt ég úr landi.
takk fyrir mig
Ríkisstjórnin leggur bara fjármagn með flóttamannahópur fyrsta árið eftir komu þeirra og svo kannski annað árið. Eftir það er þetta alfarið á ábyrgð sveitarfélaganna.
Og skólarnir á Akranesi eru yfirfullir í dag og hafa nóg á sinni könnu. Bæði almennar deildir og sérdeildir. Það hefur komið skýrt í ljós nú í vetur þar sem kennarar hafa kvartað mjög yfir miklu álagi. Nýtt fólk er ekki ráðið til starfa við skólana til að mynda til að mæta þörfum barna innflytjenda. Reyndar var einn stuðningsfulltrúi ráðin í vetur en ég held að hún sé hætt störfum. Bæjarsjóður er þaninn til hins ítrasta.
Félagsmálaráð er komið langt fram úr fjárheimilidum sínum miðað við áætlun á þessu ári vegna þess að kreppan er farin að bíta á Akrnanesi og neyð fólks að aukast. Það var gerð sérstök bókun um þetta á síðasta fundi og hún send til bæjarráðs þar sem athygli var vakin á þessu og að félagsmálaráð myndi þurfa aukafjárveitingu til að mæta þessu.
Það merkilega við þetta er kannski það að ríkisstjórnin hefur ekki gert neina faglega úttekt á því hvort Akranes sé í stakk búið til að taka við stórum hópum flóttafólks.
Nákvæmlega ekkert.
Ég var að sjá þáttinn á netinu og mér fannst hann skýra margt. Eitt er það sem þú hefðir getað spurt gagnaðilana og það er: Viljið þið ekki taka vel á móti flóttamönnum? Og er ég þá með í huga að staðan í skóla- og umönnunarmálum er allt önnur en fyrir mörgum árum þegar Víetnamar og Júgóslavar komu til landsins. Það vantar kennara í almenna kennslu og leikskóla, það vantar stuðningsfulltrúa, íslenskufræðinga og túlka, það vantar heilsugæslufólk, þannig er bara staðan hjá sveitarfélögum i dag. Mér finnst eins og þessir aðilar sem standa fyrir komu flóttamanna gera þetta í "annarlegum" tilgangi og allt öðrum en að taka vel á móti flóttafólki. Eins og staðan er í landinu finnst mér þessu flóttafólki ekki greiði gerður að flytja það hingað!
Kæri Nafnlaus.
"Það er að koma kreppa og ef það á frekar að nota fjármuni landsins í að hjálpa útlendingum frekar en íslendingum að þá flyt ég úr landi.
"
Ef þú flytur úr landi þá ert þú og ef þú átt börn, farin að stóla á kerfið í því landi sem þú býrð í.Nýta þér læknisþjónustu, skólakerfi, gatnakerfi, og jafnvel félagsþjónustu í því landi. Er það allt í lagi? Talar þú tungumálið? Þekkir þú menninguna? Tala börnin þín það tungumál reiprennandi eða eiga þau eftir að þurfa aðlögun? Hvers vegna ættir þú eitthvað frekar að vera velkomin í því landi sem þú hyggst þá flytja til en þessar konur sem eru á leið hingað? Það eru tvær hliðar á öllum málum.
Þekkir þú til í suðurríkjum Bandaríkjanna? Þannig er nú mál með vexti að ekki allir þeir flóttamenn frá New Orleans eru altalandi á ensku því stór hluti New Orleans búa eru frönskumælandi og fyrir utan það þá er sér hver siður í hverju fylki alveg eins og í löndum Evrópu. Skiptir þetta einhverju máli ef við höfum skóla fulla af vel menntuðum kennurum? Skapar þetta ekki bara þá frekari vinnu fyrir þá kennara sem hér búa og þá sem hingað vilja flytjast? Afhverju er ekki hægt að líta þetta jákvæðum augum og að treysta samfélaginu til þess að leggjast á eitt og bjóða þetta fólk velkomið.
Mér þykir þessi umræða bera vott um ótta og eigingirni. Ég vil trúa á hið góða í fólki og eins og Heiðrún sagði; er ekki betra að fara þá að vinna í þessum undirbúningi og leysa eitthvað af þessum "vandamálum" frekar en að þrasa um þetta á netinu. Einnig finnst mér það kurteisisatriði að kommenta undir nafni.
Kveðja
Hrund Snorradóttir
Mér fannst Egill þáttastjórnandi í Silfri Egils draga umræðurnar niður á lágt plan þegar hann fór að nefna orðið rasismi.
Þegar sjálft ríkisútvarpið getur ekki rætt þessi mál án þess að vera með skæting þá er fokið í flest skjól.
Andri
Magnús, þú talar eins og þú sért kjörinn fulltrúi almennings. Getur verið að þú gleymir því að þú náðir ekki kjöri?
Davíð Logi
Ég ER kjörinn fulltrúi almennings á Akranesi þar sem ég hef verið sveitarstjórnarmaður síðan í maí 2006. Hér er ég varabæjarfulltrúi og formaður tveggja nefnda. Hef gegnt þessum störfum í tvö ár.
Þessi athugasemd þín ber ekki vitni um að þú þekki til málatilbúnaðarins umhverfis það sem hér er að gerast og ef þú ert sá Davíð Logi sem ég held, þá verð ég að segja að þú sért "fallinn á prófinu".
Annars er það til vandræða hve margir þeirra sem gagnrýna mig og andmæla skrifa undir nafnleynd eða nota eingungis fornöfn þannig að ómögulegt er vita hverjir eru á ferð.
Það væri fróðlegt að vita hvort þeir sem hrópa hæst og vilja múslima til lansins hafi hugsað dæmið til enda. Væruð þið til í að fá þetta fólk sem nágranna eða í stigaganginn ykkar ef þið vissuð að íbúðin ykkar myndi verða illseljanleg eða lækkaði verulega í verði? Þetta er nákvæmlega það sem mun gerast því Íslendingar eru svo miklir hræsnarar og NIMBYs þegar á hólminn er komið!!
Hvorki með eða á móti. Bý á meðal múslíma og líkar það ágætlega en mikið finnst mér merkilegt að ekki megi ræða málin og afla upplýsinga.
Varð ekki var við neinn rasisma í þínum málfluttningi, einungis eðlilegan áhuga og forvitni. Látum Akurnesinga sjálfa segja sína skoðun sjálfa !
Ég er hreint ekki svo viss um að það sé ég sem er að falla á prófum, Magnús. Hreint ekki.
"In the face of their grief and travail, our silence shames us, our indifference indicts us and our inaction condemns us."
Karen Koning AbuZayd, framkvæmdastjóri Palestínuflóttamannahjálpar SÞ, 6. maí 2008.
Davíð Logi
Áttu ekki líka einhverja fína tilvitnun fyrir fátæka Íslendinga sem eru að berjast fyrir tilveru sinni?
Hrund:
ef ég mundi flytja úr landi að þá mundi ég eflaust flytja til þess lands þar sem ég tala tungumálið.
Ég tala Ensku, frönsku, þýsku og færeysku reiprennandi og án efa mundi ég flytja til þeirra landa.
nei ég á ekki börn og ef ég flytti til annars lands að þá væri það ekki til að fara á félagslega kerfið þar í landi.
Vissulega mun ríkissjóður hjálpa til fyrsta árið með þessa flóttamenn, en hvað svo?
Síðan beint á félagslega kerfið eða spenan.
Þetta er brjálæði að flytja hingað inn 60 vandamál þegar ekki er hægt að leysa þau vandamál sem eru hér fyrir.
Þessir pólítikusar og sjálfskipaðir sérfræðingar ættu að skammast sín fyrir að kalla alla sem eru að reyna að ræða þessi mál og benda á kosti og galla, RASISTA OG KYNÞÁTTAHATARA.
Skammist ykkar!
Björn Gíslason.
Þú náðir ekki kjör í sveitastjórn Magnús, þó að þú hafir setið fundi í fjarveru þess fulltrúa sem þú ert VARAMAÐUR fyrir. Og formennska í nefndum hefur ekkert með það að gera hvort að fólk nái kjöri eður ei.
Alveg merkilegt að þessi séní sem eru að tjá sig hérna og svívirða þá sem vilja ræða málin af einhverju viti skuli ekki hysja upp um sig brækurnar. Það er ekkert verið að neita fólkinu um gull og græna skóga, Magnús kemur með stöðu mála, eitthvað sem hann ætti að vita um í gegnum störf sín og þá mæta barnalandskellingarnar grenjandi "rasisti" með maskarann lengst niður á vömb.... Þetta alþjóðahúss gengi er bara djók, sjálfur er ég flokksbundinn Samfylkingunni en mun ekki kjósa þá aftur, þvílík arfaslök frammistaða...
Það sem er að gleymast í öllu þessu fári er að Magnús bendir á að það er verið að troða flóttamönnum uppá Akranes án þess að einhver úttekt sé gerð hvort að bærinn sé í stakk búinn til að sinna þessu fólki, hann er ekki að hallmæla fólkinu sem slíku. Var ekki einn viðmælandinn í Silfri Egils sem fór að röfla um ættliði þessa fólks?? Hvaða máli skiptir það??? Farið nú að lyfta umræðunni á hærra plan, eruð ekki markverð með þessi skítköst og illskiljanlegan málstað...
Þetta síðasta innlegg er nú deila um keisarans skegg. Ég náði víst kjöri. Var annar á framboðslista sem náði kjöri. Við byrjuðum með núll og fórum í 9,3 prósent.
Og við Frjálslynd verðum aftur í framboði á Akranesi eftir tvö ár...
Þú átt væntanlega við Egil...
"Ég náði víst kjöri. Var annar á framboðslista sem náði kjöri."
Þetta er einhver ný nálgun á það hverjir ná kjöri. Þú ert annar maður á lista sem fékk einn fulltrúa kjörin í sveitastjórn. Framboðslistar 'ná ekki kjöri' heldur þeir sem sitja í þeim sætum sem atkvæðafjöldi tryggir listanum.
Þú ert ekki kjörin fulltrúi frekar en Margrét Sverrisdóttir vinkona þín.
Æ, Egill (ef það er þitt rétta nafn) - ég hef nú nóg annað að sýsla núna en rífast um þetta við þig. Þú verður bara að hafa þinn skilning á þessu og ég minn.
Skrifa ummæli